دەربارەی قوتابخانەی داژیاری ئینگلیزیی
قوتابخانەی داژیاری ئینگلیزیی لە ساڵی ٢٠٢٢ لە شاری ڕانیە و لە سنووری بەڕێوبەرایەتی پەروەردەی ڕاپەڕین دامەزراوە و دەرگای بەڕووی قوتابییان دا کردووەتەوە،قوتابخانەکەمان پەیڕەوی سیستەمی زمانی ئینگلیزیی وەزارەتی پەروەردەی حکومەتی هەرێمی کوردستان دەکات و ساڵنامەی ئەکادیمی پەسەندکراوی وەزارەتی پەروردە ڕەچاودەکەین، هەروەها خوێندکاران بۆ ماوەی ٥ ڕۆژ لە یەکشەممەوە تا پێنجشەممە لە قوتابخانە ئامادە دەبن، لە کاتژمێر ٨:٣٠ــی بەیانی بۆ ٣ ـــی دوانیوەڕۆ. زمانی خوێندن لە قوتابخانەکەمان بریتییە لە زمانی ئینگلزیی و هەروەها گرنگی تایبەت دەدرێت بە زمانی کوردی وەکو زمانی دایکیی قوتابیان. قوتابخانەکەمان پێشوازی لە هەردوو ڕەگەز دەکات لە کچان و کوڕان؛ قوتابخانەی داژیاری ئینگلیزیی پاڵپشتی خوێندکاران دەکات بۆئەوەی توانای تەواوی خۆیان پێشبخەن لە ژینگەیەکی تەندرووست و ئەرێنی دا،هاوکات کاردەکەین بۆ بەرزکردنەوەی هۆشیاری قوتابییانمان لە بەرامبەر نوێترین پێشهاتی تەکنەلۆجی و کەرەستەی فێربوون. قــــوتابخانەی داژیاری ئینگلیزیی خاوەنی دانپێدانان و مۆڵەتی فەرمییە لە لایەن وەزارەتی پەروەردەی هەرێمی کوردستان و دامەزراوە پەیوەندیدارەکان.
