ڕێکەوت: 2024-07-20
ڕاهێنانی توانای ستاف
قوتابخانەی داژیاری ئینگلیزی بەردەوام لە هەوڵدایە بۆ بارهێنانی توانای نوێ و ئەپدەیتکردنەوەی ستافی بە ئەزموونی قوتابخانە بە سوودوەرگرتن لە ڕاهێنان و سیمیناری پەروەردەیی لە لایەن پسپۆڕان و ڕاهێنەرانی بواری پەروەردە و فێرکردن، ئێمە لەسەر ٢ ئاست ڕاهێنان پێشکەشی ستافی قوتابخانە دەکەین:
١- پێش خزمەت Pre-service
٢- لە ناو خزمەت و کار In-Service
هەموو کاندیدێک کە لە قۆناغی چاوپێکەوتن و تاقیکردنەوە دەربازی دەبێت مافی بەشداریکردنی دەبێت لە کۆرسی ڕاهێنانی مامۆستای تازەکار، کە تایبەتە بە فێربوونی بنەماکانی مامۆستایی و شارەزابوونە لە فەلسەفەی کاری داژیار کە بە لایەنی کەم ٢ هەفتە دەخایێنێت، بەشداربوو لەسەر ئاستی تیۆری و کرداری ڕاهێنانێکی چڕ و پڕ وەردەگرێت.
سەبارەت بە ڕاهێنانی ناو کار و خزمەت، بێگومان مامۆستا دوای فێربوون لە کار و ڕۆتینی پیشەکەی ناو بە ناو پێویستی بە نوێکردنەوەی زانیاری و شارەزاییەکانی هەیە، پێویستی بە فێربوونی بابەتی نوێ و سەردەمی هەیە لە چۆنییەتی پێشخستنی کارەکەی و بەرزکردنەوەی ئاست و دەستەکوتی کەسیی خۆی لە ناو کار دا.
شایەنی باسە سەرجەم ئەم کۆرسانە بێبەرامبەر پێشکەشی ستافی قوتابخانە دەکرێت.
